«САМҰРЫҚ-ҚАЗЫНА» ҚОРЫНДА ЖЕДЕЛ ШТАБ ОТЫРЫСЫ ӨТТІ

«Самұрық-Қазына» ҰӘҚ »АҚ-да жедел штаб отырысы өтті. Қордың Топ-менеджменті мен портфельдік компаниялардың басшылары күрделі халықаралық жағдайды ескере отырып, іске асырылған және әлеуетті тәуекелдерге жауап қайтару механизмін талқылады.

«Самұрық-Қазына «ҰӘҚ» АҚ Басқарма Төрағасы Ахметжан Есімов қазіргі жағдай барынша мобилизациялауды талап ететінін және портфельдік компанияларға бірқатар тапсырмалар бергенін атап өтті.

Қор басшысы шикізат нарықтарында қалыптасқан жағдай ұлттық валюта бағамының әлемдік резервтік валюталарға тұрақтылығына қысым жасағанын хабарлады. Сонымен қатар, әлемде коронавирустың таралуы жалғасуда, бұл экономиканың кейбір салаларына әсер етеді.

А. Есімов «ҚТЖ «ҰК» АҚ жүк транзиті бойынша жоспарларын орындауға коронавирустың тигізген ықпалын атап өтті. Жолаушылар тасымалының төмендеуі де байқалады.  2020 жылдың 1 ақпанынан бастап ҚХР-дан (Алматы-Үрімші, Нұр – сұлтан-Үрімші) ТЖ хабарламасы тоқтатылды.

Әуетасымалдауда Эйр Астана АҚ-ның  Бейжің, Үрімші, Гонконг бағытындағы рейстері тоқтатылды, 1 наурыздан бастап Оңтүстік Корея, Баку рейстері қысқартылды.

«Қазпочта» АҚ-да коронавирустың 3 айлық әсерін ескере отырып, 2020-2024 жылдарға арналған Бизнес-жоспар түзетілді, Қытаймен пошталық алмасу тоқтатылды, 24 қаңтардан бастап «Қорғас» АЭА жабылды.

Барлық портфельдік компанияларға компаниялардың ұйымдық құрылымын толығымен қайта қарау тапсырылды. Ең алдымен, бұл өндірістік қызметшілер құрамы емес, әкімшілік басқару персоналына қатысты болуы керек.

Жекешелендірудің Кешенді жоспарының периметрін, дивестицияларды нақтылау, стратегиялық емес активтерден шығу жөнінде ұсыныстар енгізу, сондай-ақ ағымдағы инвестициялық жобаларды іске асыруды жалғастыру тапсырылды.

Сондай-ақ Қор жанындағы Орталық штабқа апта сайын есеп бере отырып, әрбір портфельдік компанияда жедел әрекет ету жөніндегі жұмыс штабтарын құру тапсырылды.

Ұқсас ақпараттар Авторлық мақалалар

Пікір қалдыру

Сіздің E-mail-ңыз жарияланбайды.