Еңбекші ауданының Полиция басқармасына Шымкент қаласы Бадам елді мекенінің тұрғыны арызданған. Ол өз арызында, бейтаныс азамат көпбалалы анаға мемлекет тарапынан ақша өндіріп беремін деп, 40.000 теңгесін иемденіп кеткенін көрсеткен.
Аталған жайт бойынша, жедел іздестіру жұмыстарын жүргізу барысында Еңбекші АПБ криминалдық полиция бөлімінің қызметкерлерімен жергілікті жердің тұрғыны анықталып, тиісті мекемеге жеткізілді.
Осы орайда, Шымкент қаласы Полиция департаментінің қызметкерлері қала тұрғындарын бөгде адамдарға сеніп, алданып қалмауға шақырады.