2040 жылдан бастап зейнетке шығатын азаматтар еңбек еткен жылдарда зейнетақы қорына қанша ақша салса, сонша зейнетақы алады деген бастаманы қоғам қолдап отырған жоқ. Егер мемлекет бүгіннен бастап біздің еңбекақымызға бас қатырмай, оны жұмыс берушінің еркіне қалдырса, онда неге мен бұл мемлекеттің экономикасына жұмыс істеуім керек?

12-13 миллион жинаған азамат әрі кетсе 90 мың зейнетақы алатын болады. Онысы тағы 12 жылға ғана жетеді. Сөйтіп, әлгі азамат 75 жасқа жеткенде зейнетақы қорындағы ақшасы таусылып, әрі қарай соқыр тиын да алмайтын болады. Ал мемлекет қосымша зейнет сыйақысын бермейді. Ол азамат әрі қарай аш отыра ма?

Abai.kz