Бүгін ҚР Сыбайлас жемқорлыққа қарсы іс-қимыл агенттігінің Түркістан облысы бойынша Департаментінің жанынан құрылған облыстық үгіт-насихат Штабының Ел Президенті қол қойған Заңнамаға сәйкес, енгізілген өзгерістерді таныстыру бойынша кезекті кездесуі Түркістан қалалық орталық ауруханасында өтті.

Ақ халаттылармен өткен кездесудің негізгі мақсаты — ақпараттық түсіндіру жұмыстары арқылы тұрмыстық жемқорлықты жою және сыбайлас жемқорлыққа қарсы мүлдем төзбеушілік мәдениетін қалыптастыру.

ҚР-ның Қылмыстық және қылмыстық-процестік кодекстеріне қылмыстық процесте азаматтардың құқықтарын қорғауды және сыбайлас жемқорлыққа қарсы іс-қимылды күшейту мәселелері бойынша енгізілген өзгерістер сөз болған жиында облыстық ақпараттық-ағартушылық Штабының төрағасы Ерұлан Тұңғышбаев пара алу, пара беру, делдалдық ету сынды қылмыстарға көрілетін жаза түрі күшейтілгенін мәлімдеді.

Үгіт-насихат жұмыстарының соңында дәрігерлердің үніне құлақ түріп, абзал жандар тарапынан қойылған бірқатар сауалдарға нақты жауап берді.