Шымкенттік полицейлер «PS-4» және «Арсел» маркалы теледидарын тәуліктік жалға алып, қайтармай қойған азамат анықтады
2021 жылдың 22-маусымында Әл-фараби АПБ-на жергілікті жердің тұрғыны арызданды. Ол өз арызында, жергілікті тұрғын құны 120.000 теңге тұратын «PS-4» және құны 100.000 теңге тұратын қара түсті «Арсел» маркалы теледидарын тәуліктік жалға алып, заңсыз иемденіп кеткенін көрсеткен.
Аталған жайт бойынша, Әл-фараби АПБ КПБ қызметкерлері жедел-іздестіру іс-шараларын жүргізіп, Шымкент қаласының тұрғынын анықтап, ұстады. Тексеру амалдары жүргізілуде.
Өз кезегінде, Шымкент қаласының полицейлері азаматтарға абай болуға және бейтаныс азаматтарға заттарын сеніп бермеуге кеңес береді.