Қала әкімі Мұрат Әйтенов Абай ауданының Қазығұрт аумағы тұрғындарымен кездесуде елді мекендерді инфрақұрылыммен қамту жұмыстарының барысын  баяндап, алдағы жұмыс жоспарларын таныстырды.

Бүгінде Абай ауданындағы Айкөл тұрғын алабы ауыз су және электр жарығымен 100 пайыз қамтылған. Табиғи газбен қамту жұмыстары кезең-кезеңімен атқарылады.

2023 жылы 1 көше, 2024 жылы 3 көшеге шағал тас төсеу жоспарлануда.

Елді мекенде 2021 жылы 1 балалар ойын алаңшасы орнатылып, пайдалануға берілген еді. Биыл 1 балалар ойын алаңшасын орнату үшін конкурс жарияланған.

Өткен жылы тұрғын алапты сапалы интернетпен қамту үшін базалық станция орнатылды.

Шымкент қаласы әкімдігінің баспасөз қызметі