Әріптестер, бізге делдал не үшін керек? Оның үстіне, заң жобасында сіздер орталық деген түсінікті ғана енгізіп отырсыздар,ал оның міндеттері мен функциялары туралы бір ауыз сөз жоқ. Сіздер қараптан-қарап кәсіпкерлерден ақша жинайтын делдал құруды ұсынып отырсыздар. Бұл мәселені қайта қарау керек.

Сіздер үкіметте заң жобасын әзірлегенде, мәселеге терең бойламайсыздар. Тек парламент заң жобасын жұмысқа қабылдап, депутаттар түзету енгізу керектігін айтқанда ғана, лезде өзгеріп сала бересіздер. Парламентке келіп алып, өздеріңіз әзірлеген заң жобасына түзету енгізіп, пысықтайсыздар. Бұл сіздердің жұмысқа атүсті қарайтыныңызды көрсетіп отыр. Екінші оқылымға дейін заң жобасында бірыңғай операторға қойылатын талаптарды бекітіп, артық делдалдарды алып тастау қажет.

sputniknews.kz