Үкімет алдымен қара халыққа жеңілдікпен үй берудің тетіктерін ойластыруы керек. Жас отбасыларға үй берген дұрыс. Сонымен қатар, жасы қырықтан асып, әлі үй ала алмай жүрген отбасылар да өте көп. Солардың жағдайын да ойлауымыз керек. Екінші, көп балалы аналардың жәрдемақысын төрт-бес есеге дейін көбейту керек. Біз дамыған елдердің қатарына форумдарда айтылған жалған ұрандармен кірмейміз. Дамыған ел болу үшін алдымен саны көп саналы ұрпақ, сапалы халық керек. Үкімет халықтың саны көбейуіне жағдай жасау керек деп санаймын. Атқамінер мырзалар, халықты ашындырмаңыздар! Аналардың қойған талабының бәрі орынды.

Alashainasy.kz