Toyota JAXA жапондық аэроғарыш­тық зерттеу агенттігімен бірігіп, Айда жүретін ғарыш автобусының үлгісін ұсынды. Бұл автобус күн батареяларымен жұмыс істейді және 10 мың шақырым қашықтықты жүріп өте алады.

Көлік шығарушы компания қызметкерлерінің айтуынша, бұл автобустың ішіндегі жолаушылар скафандрсыз жүре алатын болады. Ғарыш көлігі екі адамға арналған, алайда қажет болған жағдайда 4 адам да сыйып кетеді екен. JAXA мен Toyota өздерінің ерекше көлігін 2029 жылы алғаш рет Айда жүргізіп көрмек.