Қазір бедеулік жасарып, жастар арасында көбейіп барады. Оның себебін кей мамандар қоршаған ортамен, тұтынып жатқан тамағымызбен байланыстырады. Олардың да үлесі бар шығар. Бірақ, менің ойымша, оның ең басты себебі: ұлттық тәрбиенің әлсіреуінде жатыр. Қазіргі қоғамды жоғарғы өркениет деген жалған ұғым жайлап, нағыз мәдениетсіздік тамыр жайып келеді. Қазіргі газет бетінен, теледидар-дан жалаңаш дене көрсек, денеміз шімірікпей, жайбарақат қарап отыра береміз. Қазір мұндай көрініске етіміз өліп кетті. Селт етпейміз. Еш қымсынбастан көше ортасында қыз бен жігіт аймаласып, сүйісіп тұра береді.

«АА»