«АMANAT» партиясы Шымкент қалалық филиалы жанынан құрылған «Аймақты дамыту өңірлік қоғамдық кеңесі мен Экологиялық қоғамдық кеңесінің бірлескен отырысы өтті.

Отырысты «АMANAT» партиясы Шымкент қалалық филиалы Атқарушы хатшысының орынбасары Тулегенов Бекайдар Мұсалұы ашып, жүргізіп отырды.

«AMANAT» партиясы Шымкент қалалық филиалы жанындағы қоғамдық кеңестер Сайлауалды бағдарламаның іске асыруылу барысына сапалы және жүйелі мониторинг жүргізумен айналысады. Өздеріңізге белгілі «AMANAT» партиясының Төрағасы Қасым-Жомарт Тоқаев кезектен тыс ХХІІ съезде партия жанындағы қоғамдық кеңестердің тиімділігін арттыру міндетін қойған еді.

Қоғамдық кеңестердің бір-бірінің жұмысын қайталауына жол бермеу және жұмыс тиімділігін арттыру мақсатында, Партия Төрағасының келісімімен және Саяси кеңес Бюросының шешімімен олардың саны 14-тен 9-ға дейін қысқартылып, басшылары бекітілді. Өңірімізде де бірқатар қоғамдық кеңестер біріктіріліп, құрамдары жаңартылып, жаңа жұмыс жоспарлары түзілді. Соның ішінде Аймақты дамыту өңірлік қоғамдық кеңесінің төрағасы болып қалалық мәслихат депутаты Сулайманов Лазиз Низамханұлы тағайындалды.

Ағымдағы жылдың 7 сәуірінде партияның Атқарушы хатшысы Асхат Оралов өңірімізге жұмыс сапарымен келген болатын. Сапар барысында Асхат Раздықұлы қаламыздағы бірқатар нысандарды аралап, қала активімен және жастармен кездесулер өткізіп, тапсырмалар берді. Соның ішінде, Асанбай Асқаров атындағы Дендросаябақтағы проблемалық мәселелерді қала белсенділері мен Аймақты дамыту және Экологиялық қоғамдық кеңестердің отырысында қарастыруды тапсырды. Сондықтын кеңес отырысының күн тәртібінде Асанбай Асқаров атындағы Дендросаябақтағы атқарылып отырған жұмыстар мен алда атқарылатын міндеттер талқыланды. Және қалалық жайлы ортаны дамыту басқармасының басшысы Ильясов Ғалымжан Молдабайұлының баяндамасы тыңдалды.