Журналисттер Үндістанда тұратын ерекше отбасын, яғни “құбыжық синдромы” немесе гипертрихозом зардап шегіп жүрген апалы-сіңілер отбасын тауыпты.
Апалы-сіңілі құбыжықтар 23 жастағы Савита, 18жастағы Мониша және 16 жастағы Савитри Үндістанның Пуна қаласына жақын маңдағы ауылда тұрады.
Оларға Гипертрихоз ауруы әкелерінің қанымен берілген. Бұл көп кездеспейтін, ұрпақтан ұрпаққа берілетін, адам денесінің барлық жерін түк басатын ерекше ауру болып табылады.

Қыздардың бетін түгелдей дерлік түк басқан, олардың қастары ер адамдардың қастары сияқты қалың және сақалдары бар. Бұндай індеті бар қыздардың ауылдарында тұрмыс құруына ешқандай мүмкіндік жоқ десе де болады. Алайда қыздар үміттерін үзбейді. Олар әрдайым депиялцияға арналған кремдерді қолданады және бірнеше мың доллар тұратын лазерлік депиляцияға ақша жинауды армандайды.

Бұл отбасында 6 қыз бар, алайда қалған 3-бұндай ерекшелігі жоқ. Олардың шешелері Анита Самбхаджи Рауттың айтуынша оларға бұл ауру әкелері арқылы берілген. Анитаны 12 жасында оған тұрмысқа шығуына мәжбүрлеген, ол оның тойға дейін ондай аурумен ауыратынын білмеген.