Соңғы уақытта әлеуметтік желілерде жат әдеттерімен жұрт көзіне сүйкімсіз көрініп, ұлттық болмысымыз бен құндылықтарымыздың қадірін кетіріп жүрген қазақ қыздарының әрекеті шын мәнінде, наразылық тудыратын жағдай. Бұларды отбасынан дұрыс тәрбие көрмеген деп айтуға негіз бар. Қазақ мұндайларды көргенсіз дейді. Не бүлдіріп жүргенін білмейтін санасыз жастарды жөнге салатын уақыт келді. Болса, заң жүзінде жазалаған дұрыс. Тым болмағанда, бұл мәселені қоғам болып талқыға салу керек-ақ. Әйтеуір бір ықпал етпесе, сананы өзгертуге күш салмаса, тіпті бұдан сорақы жағдайлар қайталануы мүмкін.

jasqazaq.kz