Республика бойынша 1538 жас әртістің 3,7%-ы қызметтік пәтер­мен, 9,7%-ы  жатақханамен қамтылған. Ал 33,8%-ы  ата-аналарымен бірге тұруға, қалған 42,5%-ы  пәтерді жалға алуға мәжбүр болып отыр. Олар үшін “7-20-25” және “Нұрлы жер” бағдарламаларына қатысу және баспананы жалға алу мүмкіндігі қарастырылмаған. Жас әртістерге мемлекет тарапы­нан қолдау көрсетілуі қажет.

Бірінші – қаулыға театр әртістерінің жалақысын өсіруге қатысты өзгерістер енгізу керек. Екінші – мемлекеттік мәдени ұйым басшылары, қызметшілері лауазымдарының категория алу мерзімдерін қысқарту қажет. Үшінші – “7-20-25” және “Нұрлы жер” бағдарламасында сертификаттармен қамтамасыз ететін мүмкіндік қарастыру керек. Төртінші – “Нұрлы жер” бағдарламасы аясында тұрғын үйді сатып алу мүмкіндігінсіз жалға беру тетіктерін қарастыру қажет.

sputniknews.kz