21 жастағы Жалғас Тайкенов Қазақстандағы параканоэ тарихындағы алғашқы Азия чемпионы атанды, деп хабарлайды«ҚазАқпарат».

Ол қорытынды айналымда 200 метрлік KL-3 жіктелімінде ирандықты басып озып, алтын медаль иеленді. Құрлықтық біріншіліктің қола медалі спортшыға бұйырды.

Жарыс Тайландта өтіп, оған Азияның он елінен 75 атлет қатысты.

«Параканоэ Паразиаттық ойындар бағдарламасына кіреді. Жалғас 2018 жылы Индонезияда өтетін жарыстарға дайындалмақ», — деді Оңтүстік Қазақстан еспелі спорт түрі бойынша федерациясының президенті Денис Жарменов әлеуметтік желіде.

Жалғас Тайкенов Қазақстандағы осындай бағыттың алғашқы ашушысы. Қазір ол оңтүстікқазақстандық еспелі мектепе жаттығып жатыр. Жалғас бес жасында көлік апатына түсіп, салдарынан сол аяғынан айырылған.