35748 әскери бөлім командирінің басшылығымен рота сержанттары құрамымен кәсіби дағдыларды, педагогикалық қабілеттілік деңгейін жетілдіру, көшбасшылық қасиеттерді дамыту мақсатында, сондай-ақ кәсіби деңгейін жетілдіру үшін  командирлік даярлық бойынша сабақтары жоғары дәрежеде өтуде.

Бұл жиынды сапалы өткізу мақсатында сабақ жетекшілері мен нұсқаушылардан тұратын арнайы әкімшілік тағайындалған.

Командирлік даярлығы сабақ кестесіне сәйкес атыс, медициналық, моральдық-психологиялық даярлықтары, әскери топография, көшбасшылық қасиеттерді дамыту, әскери қызмет қауіпсіздігін қамтамасыз ету, дене шынықтыру және техникалық даярлығы сияқты пәндерден теориялық сабақтары оқу материалдық базасымен толық жабдықталған оқу сыныптарында өткізілсе, ал практикалық сабақтары тактикалық алаңдар мен далалық оқу – жаттығу полигонында өткізілуде.

Жиынның басты мақсаты — сержанттардың әдістемелік және тәжірибелік дағдыларын жетілдіру, жеке құраммен тәрбие және идеологиялық жұмыстар жүргізуге үйрету, сондай-ақ кәсіби даярлық пен іс-жүзіндегі дағдыларды жетілдіру болып табылады.  Жиын барысында сержанттар бір-бірімен тәжірибе алмасып, жауынгерлік дайындық пен бөлімнің күнделікті қызметін ұйымдастырудағы әдіс-тәсілдерімен өзара бөлісетін болады.

«Біздің әрбір алып жатқан біліміміз бен шыңдалып жатқан тәжірибемізді бізге сеніп тапсырған жеке құрамға үйретіп, оларға үлгі боларлықтай командир болу біздің басты міндетіміз. Сондықтан осы бір апталық командирлік даярлық кезінде кәсіби мамандығымызды жетік меңгеріп, біліктілігіміз бен білімімізді қайта өңдеп жетілдіріп жатырмыз», — дейді танк ротасының сержанты 3 сыныпты сержант Мырзалы Сахов.

Командирлік даярлық барысы рота сержанттарымен қорытынды талдау жүргізуімен, сертификаттар табыс етіліп, білім деңгейінің рейтингісін анықтауымен аяқталады.