Еңбекші ауданының Полиция басқармасына жергілікті тұрғын арызданған. Ол өз арызында, жеке тұлға мемлекеттік бағдарлама бойынша жаңадан салынып жатқан үйлерден үш бөлмелі пәтер алып беремін деп, алаяқтық жолмен 3.076.000 теңге ақшасын алып, алдап кеткендігін көрсеткен.

Аталған жайт бойынша, Еңбекші аудандық Полиция басқармасы жергілікті полиция қызметі бөлімі №50 УПП  учаскелік полиция инспекторлары жедел іздестіру іс-шарасын жүргізу барысында алаяқты анықтап, тиісті басқармаға жеткізді. Оның басқа да қылмыстарға қатыстылығы тексерілуде.

 Осы орайда, Шымкент қаласы Полиция департаментінің қызметкерлері қала тұрғындарын бөгде адамдарға сеніп, алданып қалмауға шақырады.