Халыққа білікті тегін заң көмегін көрсету және азаматтардың құқықтық сауаттылығын арттыру мақсатында Шымкентте ай сайын  «Маманнан кеңес» акциясы ұйымдастырылуда.

Іс-шараның бастамашысы болған Сыбайлас жемқорлыққа қарсы іс-қимыл Агенттігінің Шымкент қаласы бойынша департаментікезекті акцияны Шымкент қаласы әкімдігінің халықты жұмыспен қамту орталығында өткізді.

Маңызды шарадабелгілі адвокаттар мен прокуратура, әділет, мемлекеттік қызмет, мемлекеттік кірістер, полиция, денсаулық сақтау, білім, тұрғын үй, жастар, кәсіпкерлер және тағы басқа дасалалардағы мамандар100-ден астамтұрғындарға кеңес берді.

Акцияға келушілерді көбіне тұрғын үй, әлеуметтік көмек алу, құқық қорғау қызметтері, білім беру, денсаулық сақтау және т.б. сұрақтар қызықтырды.

Сонымен қатар, шара барысында сыбайлас жемқорлыққа қарсы іс-қимыл мәселелері бойынша ақпаратты сеніп қалдыруға немесе кеңес алуға болатын Сыбайлас жемқорлыққа қарсы іс-қимыл Агенттігінің 1424 call-орталығы туралы жадынамалар таратылды.

Айта кетейік, азаматтарға құқықтық көмек көрсету мақсатында Сыбайлас жемқорлыққа қарсы іс-қимыл Агенттігімен «Еріктілер жылы» аясында «Adal kómek» жобасы іске қосылып, Агенттіктің Шымкент қаласы бойынша департаментінің ғимаратында (Қазыбек би көшесі,3) әр аптаның сенбі күндері сағат 11.00-13.00 аралығында «Ашық есік күні» өткізілуде.