2021 жылдың 11-тамызында Шымкент қаласы Полиция департаменті Еңбекші аудандық полиция басқармасына қала тұрғыны арызданған. Ол өз арызында белгісіз тұлға жүргізуші куәлігін алып беретінін айтып, 140.000 теңге ақшасын заңсыз иемденіп кеткенін көрсеткен.
Шымкент қаласы ПД Еңбекші ауданының Полиция басқармасы криминалдық полиция бөлімінің қызметкерлері жедел-іздестіру іс-шараларын жүргізу барысында жергілікті азаматты анықтап, басқармаға жеткізді. Тексеру жұмыстары жүргізілуде.
Өз кезегінде тәртіп сақшылары бейтаныс азаматтарға ақша бермеуге шақырады.