«Әзірет Сұлтан» мемлекеттік тарихи-мәдени қорық-музейі және Өзбекстан Республикасы Ғылым Академиясының Темуридтер тарихы мемлекеттік музейінің ұйымдастыруымен «Тимуридтер тарихы музейінің жауһарлары» тақырыбындағы фото-кітап көрмесінің салтанатты түрде ашылуы өтті.
Аталған көрме — Қазақстандағы Өзбекстан жылы аясында, сонымен қатар Астана қаласының 20 жылдығына орай ұйымдастырылуда.

«Темуридтер тарихы» Мемлекеттік музейі Өзбекстан Республикасының Тұңғыш Президенті Ислам Каримовтың бастамасымен 1996 жылы Әмір Темірдің 660 жылдығына орай құрылған.
1000-ға жуық жәдігерлері бар.
«Темуридтер тарихы» музейі қорында Өзбекстан тарихын көрсететін бірегей бұйымдар жинақталған. Олардың қатарында түрлі  қолжазбалар мен хаттар, алтын, күміс және мыс монеталар, керамикалық, қола және мыс бұйымдары, Әмір Темір және Темуридтер дәуірінен сыр шертетін жәдігерлер сақтаулы.

Көрменің арнайы ашылуында «Əзірет Сұлтан» қорық-музейінің директор орынбасары Серік Үркімбаев қос ел арасындағы құндылықтарды дәріптеуге арналған шараның маңыздылығына тоқтала келе, достық қарым-қатынастың одан əрі дамуына тілектестігін білдіріп, қонақтарға алғыс хат және  кəдесыйлар мен музейдің баспа өнімдерін табыстады.
Темуридтер тарихы мемлекеттік музейінің директоры Файзиев Хуршид мырза да музейдің тарихына тоқталып Түркістан жүртшылығына Өзбекстан мемлекетінің ыстық сәлемін жеткізді. «Əзірет Сұлтан» қорық-музейінің ұжымына да зор алғысын білдірді.

Өзбекстандық қонақтармен бірге келген тарих ғылымдарының докторы, профессор Абдумажид Мадраимов «Əзірет Сұлтан» қорық-музейі кітапханасына «Жемчужины Государственного музея истории Тимуридов» альбом-каталогын және «Адолат ва Қудрат Тимсоли» кітабын сыйға тартты.
Тарихи танымдық көрме көпшілік назарына бір ай көлемінде жұмыс жасайтын болады.

«Әзірет Сұлтан» мемлекеттік тарихи-мәдени қорық музейінің баспасөз қызметі