«Жүйрік» («Дромеас») мүсіні Афины қаласының орталығына 1988 жылы орнатылған. Грек суретшісі, мүсіншісі және сәулетшісі Костас Варотсос бұл мүсінді жүздеген шыны пластиналардан құрастырған.

Сәулетші бұл туындысын Грекияның ұлт батыры Спиридон Луиске арнаған. Афины қаласының маңындағы елді мекенде қарапайым пошта тасушы болып жұмыс істеген С.Луис 1896 жылы өткен заманауи Олимпиада ойындарының алғашқы қатысушысы болған. Оның спорттық мансап жолы небәрі бірнеше күнге созылған. Есесіне осы аз күнде ол 40 шақырымдық марафонда жеңіске жетіп, өз елі үшін аса маңызды алтын медальді алып берген.