Шымкент ҚПД ЖПҚБ Патрульдік полиция полкінің қызметкерлерімен ағымдағы жылдың 17-мамырынан бастап «Қауіпсіз жол» жедел-профилактикалық іс-шарасы өтіп жатыр. Мақсаты — қала аумағында жол-көлік оқиғаларының алдын алу.

Осы орайда, Шымкент қаласы бойынша іс-шараның 9 күнінде  3824 әкімшілік  құқықбұзушылық анықталды.

Рейдке шыққан жол инспекторлары жол қозғалысы ережелерін өрескел бұзғандар: көлікті мас күйде басқарған –  22, техникалық байқаудан өтпеген – 237,  заңсыз қайта жабдықтау – 87, рейс алдындағы міндетті техникалық және медициналық байқаудан өтпеген – 25 тұлғаға хаттама толтырды. Жол үстінде қауіпсіздік белдігін тақпаған –  1267, темір тұлпар тізгінінде ұялы телефон пайдаланған –  826, маневр ережесін бұзған – 187, қозғалыстың қарсы жолағына шыққан –  14, бағдаршамның тыйым салынған сигналына өтіп кеткен –  175, жаяу жүргіншіге басымдық бермеген – 185, көлік құралын басқару құқығы жоқ адамның басқаруы – 66,  темір жол өтпелерінен өту қағидаларын бұзу – 37, авариялық жағдай туындатқан – 19 жүргізуші анықталды.

Сондай-ақ, жаяу жүргіншілер жолағынан емес, кез келген жерден жолды кесіп өтпек болып, апат тудыруға себепкер болған 605 жаяу жүргінші жол ережесін бұзған. Мемлекеттік техникалық байқаудан өтпегендерге көлік құралын басқаруы үшін қайтадан тексерістен өтуі керектігі түсіндірілді. Айыппұл тұрағына қойылған көлік құралдарының саны — 139-ға жетті.