Біздің бауырлас халқымыз – Түркіменстан 27-ші қыргүйекте Тәуелсіздіктің 29 жылдығын атап өтеді. Дәстүр бойынша 2020 жылдың 25 қыргүйегінде Түрікменстан Халық Кеңесінің отырысы өтті. Түрікменстан Президенті Гурбангулы Бердімұхамедовтің төрағалығымен өткен бұл жиында тәуелсіз, тұрақты бейтарап Түрікменстанның жаңа даму кезеңіндегі тарихи және ұзақ мерзімді бағдарламаларды сәтті жүзеге асырудың негізгі бағыттары, сондай-ақ 2021 жылы мемлекеттің әлеуметтік-экономикалық өсуіне байланысты маңызды тақырыптар қарастырылды. Сонымен қатар, заң шығарушы билік саласындағы өкілетті институттардың жұмысын дамытуға бағытталған конституциялық реформалар қарастырылды. Түркіменстан Президенті Гурбангулы Бердімұхамедов сөз сөйлеп, атқарылған жұмыстардың нәтижесінде халыққа әлеуметтік-тұрмыстық жағдайлар халықаралық стандарттарға сәйкес жасалғанын атап өтті. Бұл жетістіктерге халықтың ауызбіршілігі, қажырлы еңбегі мен асқақ мінезінің нәтижесінде қол жеткізілді.

Түркіменстан Президенті елде көлік инфрақұрылымын құруды экономикалық және әлеуметтік дамудың маңызды факторы ретінде атап өтті. Теміржол, автомобиль, әуе және су көлігін пайдаланатын ыңғайлы және қауіпсіз халықаралық дәліздер аймақтағы тұрақты дамуды қамтамасыз етеді, тату көршілік қатынастарды орнатуға, ынтымақтастықты нығайтуға және елдер арасындағы тауар айналымының көлемін арттыруға ықпал етеді.

Ауқымды жобалардың қатарында Түрікменстан-Ауғанстан-Пәкістан-Үндістан (TAPI) газ құбырының, Өзбекстан-Түркменстан-Иран-Оман дәлізінің және Лапис-Лазули транзиттік дәлізінің құрылысы болды.

Әлемдегі эпидемиологиялық ахуал туралы айта отырып, Мемлекет басшысы Арал дағдарысын шешу қажеттілігіне назар аударды.