Американың Three Square Market технологиялық компаниясы қызметкерлерінің терісінің астына микрочип орнатпақ. Чиптің көмегімен кеңсе есігін ашуға, компьютерді қосуға және автоматтан тамақ алуға болады.

Компанияның вице-президенті чип орнату қызметкерлердің өз еркімен жүзеге асырылатынын мәлім етті. Оның айтуынша, қазір 80 қызметкердің 50-і осыған келісімін берген. Бидайдың дәніндей чип шприц арқылы бас бармақ пен сұқ саусақ арасынан тері астына енгізіледі. Қызметкерлерге бұл тегін жасалады, алайда компания әр чипті орнатуға 300 доллардан төлейді.

«Қазақпарат».